Posted: 09/15/2012 12:58 PM IST

రాష్ట్రీయ స్వయం సంఘ్ (ఆర్‌ఎస్ఎస్‌) మాజీ చీఫ్‌ ఆర్‌.ఎస్‌. సుదర్శన్‌ (81) ఈ రోజు ఉదయం చత్తీస్గఢ్లోని రాయ్‌పూర్‌లో అనారోగ్యంతో  కన్నుమూశారు. గత కొంత కాలంగా ఆయన అనారోగ్యంతో బాధపడుతున్నారు.  రాయ్‌పూర్‌ 1931 జూన్‌ 18న జన్మించారు. ఈయన పూర్తి పేరు కుప్పలి సీతారామయ్య సుదర్శన్. 1954 సంవత్సరంలో ఆర్ఎస్ఎస్ లో చేరి వివిధ హోదాల్లో పనిచేసి 2000-2009 మధ్య కాలంలో ఆర్ఎస్ఎస్ కి అధ్యక్షుడిగా పనిచేశారు. కేంద్రంలో ఎన్డీఏ సర్కారు ఉన్న కాలంలో ఆయన వాజ్ పేయి, అద్వానీలకు ముఖ్య సూచనలు ఇచ్చేవారు. 2009 మార్చి 31వ తేదీన అనారోగ్య కారణాలతో  ఆయన ఆర్ఎస్ఎస్ అధ్యక్ష పదవి నుంచి వైదొలిగారు. ఆర్ఎస్ఎస్ చీఫ్గా రిటైర్డ్ అయిన తర్వాత సుదర్శన్ భోపాల్లో నివసిస్తున్నారు. ఆయన అంత్యక్రియలు ఆదివారం సుదర్శన్ స్వస్థలంలో జరగనున్నాయి. ఈయన మరణం పట్ల పలువురు సంతాపం వ్యక్తం చేశారు. ఆయన ఆర్ఎస్ఎస్ కి చేసిన సేవలు మరువలేనివి అని కొనియాడారు.