Posted: 09/13/2012 08:24 PM IST

ఈ మధ్య కాలంలో జీవిత రాజశేఖర్లు వివాదాలకు దూరంగా ఉంటున్నారని మనం అనుకుంటే పొరబాటే. ఎప్పుడూ ఎవరిపైనో ఒకరిపై ఆరోపణలు చేస్తూ కోర్టుల దాకా వెళ్లిన వీళ్లు మళ్ళీ మీడియాకి ఎక్కారు. ఈ సారి ఓ నిర్మాతను మోసం చేసి మీడియాకి ఎక్కారు. వివరాల్లోకి వెళితే... రాజశేఖర్ హీరోగా, జీవిత దర్శకత్వం వహించిన సినిమా మహంకాళి. ఈ సినిమాకి వై. సురేందర్ రెడ్డి అనే నిర్మాత కోటి రూపాయల వరకు ఫైనాన్స్ చేశారు. కానీ ఈయన ప్రమేయం లేకుండా వారు ‘మహంకాళి ’ చిత్రం హక్కులు మల్టీ డైమన్షియల్ ఎండీ రామ్మోహన్ రావుకు అమ్ముకున్నట్లు సదరు నిర్మాతకు తెలియడంతో ఆయన నాంపల్లి కోర్టును ఆశ్రయించారు. దీని పై విచారణ జరిపిన కోర్టు బంజారాహిల్స్ పోలీసులకు కేసు నమోదు చేయాల్సిందిగా ఆదేశించింది. ఈ మేరకు ఐపీసీ 406, 420, 423, 426 సెక్షన్ల కింద కేసు నమోదు చేసి పోలీసులు విచారణ జరుపుతున్నారు.