Posted: 09/13/2012 02:47 PM IST

తెలంగాణ జేఏసీ ఛైర్మన్ కోదండరామ్ టీఆర్ఎస్ అధ్యక్షుడు కేసీఆర్ కి దూరం దూరంగా ఉంటూ, పార్టీలకు, సమావేశాలకు సింగిల్ గానే వెళుతున్నాడు. ఇంతక ముందు ఏ నిర్ణయం తీసుకున్నా కేసీఆర్ అనుమతితో ప్రకటించేవారు. కానీ ఈ మధ్యన జేఏసీనే సొంత నిర్ణయాలు తీసుకుంటుంది. దీంతో కేసీఆర్ కి జేఏసీ దూరం అయినట్లేనని భావివచ్చు. ఈ నేపథ్యంలోనే తెలంగాణ జేఏసీ తెలంగాణ మార్చ్ ఫాస్ట్ ని నిర్వహించాలని నిర్ణయించి దానికి సన్నద్దం అవుతున్నారు. ఈ మార్చ్ ఫాస్ట్ లో కాంగ్రెస్ నేతల అంతు చూడాలని కోదండరామ్ పిలుపునిచ్చారు. ఇక విజయవాడ ఎంపీ లగడపాటి రాజగోపాల్ ని ఓ కాగితం పులితో పోల్చాడు. ఆయనను, ఆయన మాటలను పట్టించుకోవద్దని, సీమాంద్ర నేతలు డబ్బుల సంచులు ఇచ్చి తెలంగాణ నేతల నోళ్ళు మూయిస్తున్నారని అన్నారు. గాంధీ దండయాత్రగా తెలంగాణ మార్చ్ నిర్వహించాలని కోదండరాం పిలుపునిచ్చారు.