Posted: 09/13/2012 11:14 AM IST

ఇటీవల ‘శిరిడి సాయి’  సినిమా విడుదలైన విషయం తెలిసిందే . అందులో అక్కినే నాగార్జున  నటన చాలా అద్భుతంగా ఉందని సినీ జనాలు అనుకుంటున్నారు.  సాయిగా చేసిన నాగార్జున వెంటనే .. డమరుకం మెగించిన విషయం తెలిసిందే.  అక్కినేని నాగార్జున గురువారం తెల్లవారుజామున శ్రీనివాసుడిని దర్శించుకున్నారు. కుటుంబ సభ్యులతో కలిసి ఆయన స్వామివారిని దర్శించుకుని, ప్రత్యేక పూజలు నిర్వహించారు. అనంతరం నాగార్జున మాట్లాడుతూ తన డ్రీం ప్రాజెక్టు నాన్న ఏఎన్నార్, నాగచైతన్యతో సినిమా చేయాలని ఉందని... ప్రస్తుతం ఓ లవ్‌స్టోరీ చిత్రంలో నటిస్తున్నానని, అది అయ్యాక తాను, నాన్న, నాగచైతన్య కలిసి సినిమా తీయబోతున్నామన్నారు. అఖిల్ విషయానికి వస్తే ఇప్పుడే సినిమా ఎంట్రీ ఉండదని దానికి ఇంకా సమయం ఉందన్నారు. ఢమరుకం చిత్రం కూడా అభిమానులను అలరించే విధంగా ఉంటుందని ఆయన చెప్పారు. శిరిడిసాయి చిత్రం విజయవంతం కావటం ఆనందంగా ఉందన్నారు. భవిష్యత్‑లో కూడా మరిన్ని వైవిధ్యమైన పాత్రలు చేస్తానని నాగార్జున తెలిపారు. ఈ సందర్భంగా తిరుపతిలో రాఘవేంద్రా నగర్ లోని షిరిడి సాయి మందిరాన్ని ఆయన దర్శించుకున్నారు.అనంతరం సినిమా ప్రదర్శిస్తున్న గ్రూప్ థియేటర్ ను నాగార్జున యూనిట్ సభ్యులతో కలసి సందర్శించారు.