Posted: 09/11/2012 09:44 AM IST

విమానం  నుంచి ప్రమాదవశాత్తు  కిందపడి  ఒక వ్యక్తి  మరణించాడు.   ఈ సంఘటన  హిత్రూ  విమానాశ్రయం  సమీపంలో  జరిగింది.  హీత్రూ  విమానాశ్రయంలో  లాండింగ్  అయ్యేందుకు  విమానం  కిందకు  దిగుతున్న సమయంలోనే  ఆ వ్యక్తి  వేల అడుగుల  ఎత్తునుంచి కిందపడిపోయాడు.  విమానాశ్రయ సమీపంలోని  నివాస ప్రాంతంలో  పార్క్  చేసి  ఉన్న ఒక కారుపై అతడు పడ్డాడు. అయితే ఆ సమయంలో  ఎవరు లేకపోవడంతో  ఆ వ్యక్తి ని ఎవరు   గమనించలేదు.  అతను పడిన ప్రాంతమంత రక్తం రోడ్డంతా  విరజిమ్మటం .. స్థానికులు  భయపడినట్లు  తెలుస్తోంది.  ఈ సంఘటన  ఉదయం 7.55 గంటల సమయంలో జరిగిందని స్థానికులు చెబుతున్నారు.

అయితే ఈ వ్యక్తి  ఎవరు అనేది తెలియాలేదు. దీనిని  అనుమానాస్పద మరణంగానే  భావించి  కేసు నమోదు  చేసినట్లు  పోలీసులు తెలిపారు.  ఈ వ్యక్తి ఎవరో  గుర్తించడం కష్టంగా ఉందని.. బహుళా టికెట్  వంటివేమీ లేకుండా దొంగచాటుగా విమానంలోకి చొరపడిన వ్యక్తి అయి ఉండవచ్చని  అనుమానిస్తున్నారు.