Posted: 09/07/2012 04:11 PM IST

గత రెండు రోజుల క్రితం కేంద్ర పెట్రోలియ శాఖ మంత్రి జైపాల్ రెడ్డి కి ఆయిల్ కంపెనీలు రోజుకు 550 కోట్ల రూపాయలు నష్టపోతున్నాయని, తక్షణమే పెట్రోల్ రేట్లు పెంచాలని విన్నవించాయి. దీంతో త్వరలో పెట్రోలు రేట్లు 5 రూపాయల వరకు పెరుగుతాయనే వార్తలు వెలువడుతున్నాయి. ఈ వార్తల పై స్పందించిన జైపాల్ రెడ్డి ఈ వార్తలను ఖండించారు. పెట్రోల్ ధరల్ని ఇప్పుడే పెంచే ఆలోచన కేంద్ర ప్రభుత్వానికి లేదని, ఈ పెంపు పై నిర్ణయం కేబినెట్ తీసుకుంటుందని, దీని పై రాజకీయ ఏకాభిప్రాయం లేదని అన్నారు. ఈ నేపథ్యంలో ఆయిల్ కంపెనీలు అయిన ఐవోసీ, హెచ్ పీసీఎల్ షేర్లు నష్టపోతున్నాయి. జైపాల్ రెడ్డి ప్రకటన ప్రజలకు కాస్త ఊరటనిచ్చిందని చెప్పవచ్చు.