Posted: 09/02/2012 03:47 PM IST

        రాష్ట్ర ప్రభుత్వం విద్యార్ధులకు బోధనా రుసుము చెల్లింపునకు సంబంధించి మార్గదర్శకాలు నిర్ణయిస్తూ ఉత్తర్వులు జారీ చేసింది. విద్యార్ధులందరికీ గరిష్టంగా ఫీజు 35 వేల రూపాయలు చెల్లించాలని  నిర్ణయించింది. ప్రభుత్వ, గురుకుల కళాశాలల్లో చదివిన బీసీ, ఈబీసీ వికలాంగ విద్యార్ధులకు ప్రభుత్వం పూర్తి ఫీజు చెల్లించనుంది. అలానే ఎస్సీ ఎస్టీ విద్యార్ధులు ఏ కళాశాలలో చదివినా పూర్తి ఫీజు చెల్లించాలని ప్రభుత్వం ఉత్తర్వులిచ్చింది. ఇంటర్ ప్రైవేటు కాలేజీల్లో చదివి ఎంసెట్ 10 వేల లోపు ర్యాంకు వచ్చిన విద్యార్ధులకు పూర్తి మొత్తం చెల్లించేలా ప్రభుత్వం నిర్ణయం తీసుకుంది.
        ఉన్నత విద్యాశాఖ రాష్ట్రంలో కాలేజీలను ఫీజుల వారీగా 1-ఎ,1-బీ,1-సీ,1-డీ కేటగిరీలుగా విభజించింది. ఆయా కేటగిరీల్లో కాలేజీల ఫీజులు ప్రస్తుత విద్యా సంవత్సరానికి వేర్వేరుగా ఉన్నాయి. కాలేజీ కేటగిరి, ప్రభుత్వ నియమ నిబంధనలకు లోబడి ప్రస్తుత విద్యా సంవత్సరానికి ఫీజులు మంజూరు ఉంటుందని జీవోలో స్పష్టం చేసింది. ఒకేవేళ ఫీజులు పెరిగితే ప్రభుత్వం నిర్ణయం మేరకే చెల్లించాల్సి ఉంటుందని జోవోలో స్పష్టం చేసింది.  ఈ మేరకు 2010 సెప్టెంబర్ లో జారీ చేసిన జీవో 66ను సవరణ చేసింది.

...avnk