Posted: 08/23/2012 04:02 PM IST

డ్రైవింగ్‌లో మనం ఎంత అప్రమత్తంగా ఉన్నా.. ఒక్కోసారి యాక్సిడెంట్లు జరిగిపోతాయి. ఇలాంటి సందర్భాల్లో డ్రైవర్లతో సంబంధం లేకుండా కార్లే తమ మధ్య ఉన్న దూరాన్ని కొల్చుకుని, మాట్లాడుకుని, డ్రైవర్లకు సంకేతాలిచ్చి ప్రమాదాన్ని నివారిస్తే..! ఇదేదో సైన్స్ ఫిక్షన్ సినిమా కథ కాదు. అమెరికా శాస్త్రజ్ఞులకు నిజంగా వచ్చిన ఆలోచన.వైఫై తరహా టెక్నాలజీతో మాట్లాడుకునే ఇలాంటి స్మార్ట్‌కార్లను వారు ఇప్పటికే రూపొందించారు. అక్కడి మిషిగాన్ రాష్ట్రంలో వీటిపై ప్రయోగాలు కూడా నిర్వహిస్తున్నారు. ప్రస్తుతం అక్కడి 500 కార్లకు ఈ పరిజ్ఞానాన్ని అమర్చారు. మరో ఆరువారాల్లో ఈ సంఖ్యను 2,800కి పెంచాలని అనుకుంటున్నారు. అంతా అనుకున్నట్టు జరిగితే.. త్వరలోనే ఇవి మార్కెట్లోకి అందుబాటులోకి వచ్చే అవకాశం ఉంది. అంతేనా.. రెడ్ సిగ్నల్ పడి, ఏవైపు నుంచీ ఏ వాహనమూ రాని సందర్భాల్లో.. ఆ రెడ్‌సిగ్నల్‌ను పచ్చగా మార్చేందుకు మీ కారు నుంచే సంకేతాలు ఇచ్చే ఏర్పాటూ వీటిలో ఉంటుంది. 25 మిలియన్ డాలర్ల (దాదాపు రూ.14 కోట్లు) విలువైన ఈప్రాజెక్టు ట్రాఫిక్ ప్రమాదాల్ని గణనీయంగా తగ్గిస్తుందని యూఎస్ అధికారులు భావిస్తున్నారు.