Posted: 08/17/2012 06:14 PM IST

సాధారణంగా కొన్ని కోర్టులు హత్య చేసిన ఖైదీలకు సైతం క్షమాబిక్ష పెడతాయి. అతని పై సానుభూతి ప్రదర్శిస్తాయి. కానీ ఇక్కడ బొంబాయి కోర్టు మాత్రం లంచం తీసుకున్న కేసులో ఒక వ్యక్తి పై సానుభూతి కూడా చూపించలేదు. ప్రభుత్వ ఉద్యోగులు ఎప్పుడో ఒకప్పుడు లంచం తీసుకుంటారు. దొరికిన వారు దొంగ అవుతారు.. దొరకని వారు దొర అవుతారు. ఇక్కడ కూడా ఓ ప్రభుత్వ ఉద్యోగి లంచం తీసుకుంటూ దొరికిపోయాడు. 1988లో ఘోడ్కీ అనే ఖాదీ సంస్థ ఉద్యోగి రుణం ఇప్పించేందుకు గానీ 50 వేలు లంచం తీసుకుంటూ దొరికాడు. అతనికి 2001లో ఆర్నెళ్ల శిక్ష విధించారు. ఈ కేసు విచారణలో ఉండగా అతడు మరణించాడు. ఈ నేపథ్యంలో ఆయన తరుపు బంధువులు ఆయన దోషీత్వాన్ని ప్రక్కన పెట్టాలని కోర్టుకు విన్న విన్నవించారు.

దీని పై విచారణ చేపట్టిన కోర్టు... అవినీతికి పాల్పడిన ప్రభుత్వోధ్యోగుల పట్ల సానుభూతి చూపాల్సిన అవసరం లేదని, ఇలా చేస్తే సమాజానికి తప్పుడు సందేశం పంపినట్లవుతుందని , ఘోడ్కీ నేరం చేసినట్లు ఆధారాలతో సహా రుజువైనందున అతని దోషిత్వాన్ని ప్రక్కన పెట్టడం కుదరదని జస్టిస్ భంగలే స్పష్టం చేశారు.