Posted: 07/31/2012 04:14 PM IST

హైదరాబాద్ లో జరుగుతున్న సీపీఐ రాష్ట్ర సమితి సమావేశాలు ఈరోజు ముగిశాయి. ఈ కార్యక్రమానికి సీపీఐ రాష్ట్రకార్యదర్శి నారాయణ హాజరై ప్రసంగించారు.. ఈ సందర్భంగా ఆయన మాట్లాడుతూ... ప్రభుత్వం పై, నాయకుల పై తన దైన శైలిలో విరుచుకుపడ్డారు.. ప్రజా సమస్యల్ని పక్కన పెట్టి పర్యటనలో క్రికెట్ లాంటి ఆటలాడుతున్న సీఎంను ఒలింపిక్స్‌కు పంపితే మంచిదేమోనని, ఒక వేళ పథకం సాధిస్తే రాష్ట్రానికే కాకుండా, దేశానికే పేరు వస్తుందని ఆయన ఎద్దేవా చేశారు. మంత్రులకు న్యాయ సహాయం అందించడమంటే హత్య చేసిన వారికి కత్తి ఇవ్వడమేనని నారాయణ వ్యాఖ్యానించారు. తెలంగాణ రాష్ట్ర ఏర్పాటుపై ఆగస్టు 21 నుంచి 31 వరకు రాజకీయ ప్రచారం చేపట్టనున్నట్టు ఆయన తెలిపారు. రాష్ట్రంలో భూ పోరాటాలు కొనసాగిస్తామని నారాయణ స్పష్టం చేశారు. జగన్ ని కాపాడటానికే సీఎం కిరణ్ సహాయాలు అంటూ కాలం వెల్లదీస్తున్నాడని అన్నారు.