Posted: 07/27/2012 12:22 PM IST

       ముఖ్యమంత్రి కిరణ్ కుమార్ రెడ్డి ఇవాళ (శుక్రవారం) నుంచి మూడు రోజుల పాటు ఇందిరమ్మ బాట నిర్వహించనున్నారు. శ్రీకాకుళం జిల్లా ఆముదాల వలస మండలం మందడి గ్రామం చేరుకుంటారు. అక్కడ అక్కుల పేట ఎత్తిపోతల పథకాన్ని ప్రారంభించి, రైతులతో భేటీ అవుతారు. అక్కడి నుంచి బూర్జు మండలం కొంపేట గ్రామం చేరుకొని ఓనిగడ్డ రైతులతో కలిసి వ్యవసాయ పనుల్లో పాల్గొంటారు. మధ్యాహ్నం పాలకొండ చేరుకొని ఐకేపీ మహిళా సంఘాలతో సమావేశం అవుతారు.  సీతంపేట మండలం పెద్దరామ గ్రామంలోని గిరిజన కుటుంబాలను కలుసుకుంటారు. రాత్రికి సీతం పేట మండలం మల్లి గ్రామంలోని గిరిజన సంక్షేమ హాస్టల్ లో బస చేస్తారు. 28వ తేదీ శనివారం ఉదయం 10గంటలకు మల్లి నుంచి పాతపట్నం చేరుకుంటారు. కాగువాడ గ్రామంలో చేనేత కాలనీని సందర్శించి చేనేత కుటుంబాలతో సమావేశమవుతారు. 11:30గంటలకు పాతపట్నం ప్రభుత్వ డిగ్రీ కాలేజీకి శంకుస్థాపన, తర్వాత బహిరంగ సభలో పాల్గొంటారు. మధ్యాహ్నం 2 గంటలకు పట్టపురం జంక్షన్ లో రిజర్వాయర్  పనులను పరిశీలిస్తారు.

...avnk