Posted: 07/22/2012 01:51 PM IST

      హిందూజా పవర్ ప్లాంట్ నిర్వాసితుల సమస్యలపై త్వరలో ఉన్నత స్దాయి సమావేశాన్ని ఏర్పాటు చేస్తామని రాష్ట్ర మౌలిక వసతులు పెట్టుబడుల శాఖ మంత్రి గంటాశ్రీనివాసరావు చెప్పారు. ప్రభుత్వ అతిథిగృహంలో ప్లాంటు నిర్వాసితులు, జిల్లా కలెక్టర్, స్థానిక ఎమ్మెల్యే, పరిశ్రమల అధికారులతో సమీక్షా సమావేశం నిర్వహించారు. పరిశ్రమలు ఎంత ముఖ్యమో నిర్వాసితులకు అందాల్సిన ప్యాకేజీ కూడా  అంతే ముఖ్యమని గంటా అన్నారు. త్వరలో హిందూజా కంపెనీ పెద్దలతో త్వరలో ఓ సమావేశాన్ని నిర్వహించి బాధితులకు న్యాయం జరిగేలా చూస్తానని హామీ ఇచ్చారు. అయితే..  మంత్రి హామీపై నిర్వాసితులు అసంతృప్తి వ్యక్తం చేశారు. కేవలం కంటి తుడుపు మాటలే తప్ప ఆచరణ సాధ్యం కానివని అభిప్రాయపడ్డారు. హిందూజా పవర్ ప్లాంట్ నిర్మాణానికి నిరభ్యతర పత్రం లేకపోయినా ప్రాజెక్ట్ పనులు చకాచకా సాగిపోతుండం పై వారు ఆందోళన వ్యక్తం చేశారు. ఈనెల 23న ప్రాజెక్ట్ పనులను అడ్డుకుంటామని ప్రకటించారు. పరిశ్రమలకు భూములు ఇచ్చిన రైతులకు అందించాల్సిన పరిహారం విషయంలో ప్రభుత్వం, సుప్రిం కోర్టు మార్గదర్శకాలను బుట్టదాఖలు చేస్తోందని నిర్వాసితులు ఆరోపిస్తున్నారు. తమకు న్యాయం జరిగే వరకు పోరాడుతామని స్పష్టం చేస్తున్నారు.

...avnk