Posted: 07/15/2012 12:39 PM IST

ఓ వైపు ప్రభుత్వం ఇందిరమ్మ బాట కార్యక్రమానికి సన్నాహాలు చేస్తుంటే.. వైఎస్సార్ పార్టీ నేత, పోలవరం ఎమ్మెల్యే తెల్లం బాలరాజు మాత్రం రాజన్న బాట పట్టారు.  ఆరంభం కానున్న ఇందిరమ్మ బాటకు ఓ రోజు ముందుగానే ఆయన రాజన్నబాట పేరుతో కొత్త కార్యక్రమం చేపట్టారు. తన నియోజకవర్గలోని రాజవరంలో ఆయన పర్యటించారు. నా బాట రాజన్నబాట.. నా మాట జగనన్న మాట అని ఆయన ప్రకటించారు.ఇందిరమ్మ బాట ఉన్నన్నాళ్లూ రాజన్నబాటగానే గ్రామగ్రామాన పర్యటిస్తానని తెలిపారు.

ఈ కార్యక్రమం ద్వారా ప్రజా సమస్యలు పరిష్కరిస్తానని ఆయన ప్రకటించారు. ప్రజలకు మౌలిక వసతులు కల్పించడంలో నిధులుకేటాయింపులకు ప్రభుత్వాన్ని నిలదీస్తానని, ఈ విషయంలోరాజీపడబోనని ఆయన పేర్కొన్నారు. ఇందిరమ్మ బాట ఉన్నన్నాళ్లూ రాజన్నబాటగానే గ్రామగ్రామాన పర్యటిస్తానని తెలిపారు. రాజవరం దళితపేటలో స్థానికులు ఏర్పాటుచేసుకున్న మహానేత వైఎస్ విగ్రహాన్ని ఎమ్మెల్యే ఆవిష్కరించారు. ఈ సందర్భంగా ఆయన మాట్లాడుతూ మండలంలో ఎన్నికలకు ముందు 2,200 గ్యాస్ కనెక్షన్లు మంజూరుచేశారని, ఫలితాలు అధికార పార్టీకి వ్యతిరేకంగా రావడంతో ప్రజలపై కక్షసాధింపు చర్యలకు దిగుతు, ఇప్పటి వరకు వాటిని ఇవ్వలేదని చెప్పారు.