Posted: 07/09/2012 01:47 PM IST

      హనుమంతుడి పాత్రలో అందర్నీ అలరించిన దారాసింగ్ ఆస్వస్థతకు గురయ్యారు. 83ఏళ్ల దారా సింగ్ కు గుండెపోటు రావడంతో ముంబైలోని కోకిలాబెన్ ధీరూబాయ్ అంబానీ ఆసుపత్రిలో చేర్పించారు. కొన్నాళ్లుగా నరాల వ్యాధితో దారాసింగ్ బాధపడుతున్నారు. ఆరునెలలనుంచి ఆయన ఆరోగ్యం క్షీణిస్తువస్తుందని దారాసింగ్ కుమారుడు విందూ దారాసింగ్ తెలిపారు. తొలుత ఆరోగ్యపరిస్థితి ఆందోళనకరంగా ఉందన్న వైద్యులు ప్రస్తుతం కోలుకుంటున్నారని తెలిపారు. మల్లయోధుడిగా, బాలీవుడ్ నటుడిగా దారా గుర్తింపు పొందారు. తొంబై దశకంలో ప్రసారమైన రామాయణం సీరియల్లో దారాసింగ్ హనుమంతుడి పాత్ర అతన్ని ఇంటింటా పరిచయం చేసింది. అంతకుముందు పలు సినిమాల్లో నటించినా హనుమంతుడి క్యారెక్టర్ కెరీర్ హైలెట్ గానిలిచింది. ఇప్పటివరకూ దారాసింగ్ వందకుపైగా సినిమాల్లో నటించారు. జబ్ వుయ్ మెట్ లో దారా చివరిసారి కనిపించారు.  ఆ తర్వాత ఆరోగ్యం సహకరించకపోవడంతో సినిమాలకు దూరమయ్యారు. దారాసింగ్ అనారోగ్యానికి గురయ్యారని తెలియడంతో ఆయన అభిమానులు ముంబై ఆసుపత్రికి తరలివచ్చారు. దారాసింగ్ కోలుకోవాలని ఆంధ్రా విశేష్ కూడా కోరుకుంటుంది..

...avnk