Posted: 07/08/2012 01:45 PM IST

       ముఖ్యమంత్రి కిరణ్ కుమార్ రెడ్డి సికింద్రాబాద్ ఉజ్జయిని మహంకాళి అమ్మవారిని దర్శించుకున్నారు. ఆలయ నిర్వాహకులు ఆయనకు ఘన స్వాగతం పలికారు. అనంతరం అమ్మవారికి పూజలు నిర్వహించారు. ముఖ్యమంత్రి పర్యటన సందర్బంగా పోలీసులు కట్టుదిట్టమైన భద్రతా ఏర్పాట్లు చేశారు.  ఉజ్జయినీ మహంకాళి అమ్మవారిని దర్శించుకునేందుకు వీఐపీలు తరలివస్తున్నారు. టీడీపీ అధినేత చంద్రబాబునాయుడు అమ్మవారిని దర్శించుకుని ప్రత్యేక పూజలు చేశారు. మొక్కులు చెల్లించుకున్నారు.  ప్రజలంతా సుఖశాంతులతో ఉండాలని కోరుకున్నారు.  అటు ఉజ్జయిని మహాంకాళి అమ్మవారిని పలువురు  ప్రముఖులు దర్మించుకున్నారు. ఎంపీలు అంజన్ కుమార్ యాదవ్, వివేక్, మంత్రులు రామచంద్రయ్య, గీతారెడ్డి, ఎమ్మెల్యేలు కిషన్ రెడ్డి, జయసుధ అమ్మవారిని దర్మించుకున్నారు. మంత్రి గీతారెడ్డి, ఎమ్మెల్యే జయసుధ బోనాలు ఎత్తుకొని మొక్కులు తీర్చుకున్నారు.  సికింద్రాబాద్  ఉజ్జయిని మహంకాళి అమ్మవారిని బీజేపీ రాష్ట్ర అధ్యక్షుడు కిషన్ రెడ్డి దర్శించుకున్నారు. బోనాలను రాష్ట్ర పండుగగా గుర్తించాలని ప్రభుత్వాన్ని డిమాండ్ చేశారు. కరువు కాటకాలతో అల్లాడుతున్న రాష్ట్రంపై కరుణ చూపించాలని  అమ్మవారిని కోరుకున్నట్లు ఆయన తెలిపారు.

...avnk