Posted: 07/02/2012 01:04 PM IST

నిన్న అర్థరాత్రి జరిగిన యూరోకప్ ఫైనల్ మ్యాచ్ లో ఇటలీ పై స్పెయిన్ 4-0 తేడాతో ఘన విజయం సాధించి వరుసగా రెండో సారి యూరోకప్ సాధించిన జట్టుగా రికార్డు సాధించింది. అంతే కాకుండా మూడు మేటి టోర్నీల్లో విజేతగా నిలిచిన జట్టుగా ఘనత సాధించింది.  స్పెయిన్ ఆటగాళ్లు డేవిడ్ సిల్వా, జోర్డి ఆల్బా, ఫెర్నాండో టోరెస్, జూన్ మాతా గోల్స్ చేసి జట్టుకు విజయాన్ని అందించారు.  ఆట ప్రారంభం నుంచి దూకుడుగా ఆడిన స్పెయిన్ 14వ నిమిషంలోనే మొదటి గోల్ నమోదు చేసింది. ఆట మొదటి అర్థభాగానికి నాలుగు నిమిషాల ముందు రెండో గోల్ కొట్టింది.

ఆరంభం నుంచే ప్రత్యర్థి జట్టు గోల్‌పోస్ట్‌పై పదేపదే దాడులు చేసిన స్పెయిన్ చివరివరకు అదే ఊపు కొనసాగించింది. 84, 88 నిమిషాల్లో మరో రెండు గోల్స్ సాధించి ఇటలీని చిత్తు చేసింది. 2008 యూరో, 2010 ఫిఫా ప్రపంచకప్, 2012 యూరోకప్ టైటిళ్లు గెల్చుకుని స్పెయిన్ ‘హ్యాట్రిక్’ రికార్డు సాధించింది.