Posted: 07/01/2012 04:49 PM IST

      రాష్ట్ర ప్రభుత్వం 18మంది ఐపీఎస్ అధికారులకు పదోన్నతులతో పాటు స్థానచలనం కల్పిస్తూ ఆదేశాలు జారీచేసింది. బదిలీ అయిన వారి వివరాలు ఇలా ఉన్నాయి. పోస్టు కోసం ఎదురుచూస్తున్న సునీల్ కుమార్ ను స్పెషల్ ప్రొటెక్షన్ ఫోర్స్ ఐజీగా సెక్యూరిటీ, కోఆర్డినేషన్ విభాగంలో జాయింట్ కమిషనర్ గా ఉన్న కుమార్ విశ్వజీత్ ను సిఐడీ ఐజీగా ప్రమోట్ చేసింది. ఇక ఏసీబీ అడిషనల్ డైరెక్టర్ గా పనిచేస్తున్న శివధర్ రెడ్డిని ఏసీబీ డైరెక్టర్ గా పోస్టింగ్ కోసం ఎదురుచూస్తున్న సౌమ్యా మిశ్రను శాంతిభద్రతల ఐజీగా నియమించింది. ఇక కౌంటర్ ఇంటలీజెన్స్ డీఐజీగా ఉన్న వీసీ సజ్జనార్ ను  ఎస్ఐబీ డీఐజి గా హైదరాబాద్ జాయింట్ కమిషనర్ ఆఫ్ పోలీస్ సూర్యనారాయణను ట్రాన్స్ కో చీఫ్ విజిలెన్స్ అధికారిగా ప్రమోట్ చేస్తూ ప్రభుత్వం ఆదేశాలు జారీ చేసింది.  హైదరాబాద్ ఇంటలీజెన్స్ ఎస్పీగా విధులు నిర్వహిస్తున్న విక్రమ్ సింగ్ మాన్ ను వరంగల్ డీఐజీగా హైదరాబాద్ ఇంటలీజెన్స్ ఎస్పీ శ్రీనివాసులు ను కౌంటర్ ఇంటలీజెన్స్ డీఐజీగా పదోన్నతి కల్పించింది. పోస్టు కోసం ఎదురుచేస్తున్న ఉమాపతికి విజిలెన్స్ జేఎండీగా మరో ఐపీఎస్ అధికారి భీమ్ నాయక్ ను కరీంనగర్ డీఐజీగా ప్రమోట్ చేసింది. సీఐడీ ఎస్పీగా విధులు నిర్వహిస్తున్న దామోదర్ ను సీఐడీ డీఐజీగా విశాఖపట్టణం డీసీపీగా ఉన్న బాలకృష్ణను ఇంటెలీజెన్స్ డీఐజీగా పదోన్నతి కల్పిస్తూ ప్రభుత్వం ఆదేశాలు జారీ చేసింది.
    ఇక సెక్యూరిటీ విభాగంలో డీసీపీ గా విధులు నిర్వహిస్తున్న మల్లారెడ్డిని ఏపీఎస్పీ బెటాలియన్ డీఐజీగా పోస్టింగ్ కోసం ఎదురుచూస్తున్న సుందర్ కుమార్ ను అప్పా డిప్యూటీ డైరెక్టర్ గా ప్రమోట్ చేసింది. పోస్టింగ్ కోసం వెయిట్ చేస్తున్న మరో ఇద్దరు ఐపీఎస్ అధికారులు శివప్రసాద్, రవిచంద్రలను సైబరాబాద్ ట్రాఫిక్ డీసీపీ, హైదరాబాద్ ఏఐజీగా పోస్టింగ్ ఇచ్చింది. ఇక విజయవాడ రైల్వే విభాగం ఎస్పీగా పనిచేస్తున్న నాగన్నను హైదారాబాద్ డీసీపీగా ఎల్బీనగర్ డీసీపీగా విధులు నిర్వహిస్తున్న నాగేంద్ర కుమార్ ను మహబూబ్ నగర్ ఎస్పీగా పదోన్నతి కల్పిస్తూ ప్రభుత్వం ఆదేశాలు జారీ చేసింది.

...avnk