Posted: 06/24/2012 04:35 PM IST

      మృత్యువు వెంట్రుకవాసి దూరంలో ఉన్నప్పుడు కూడా ప్రాణాలకు తెగించి దేశభక్తిని చాటుకోవడం అందరికీ సాధ్యం కాదు. అయితే తెగువ చూపించి ఇలాంటి సాహసాన్ని ఎవరు పూనుకున్నా వారికి జాతి నీరాజనాలు పడుతుంది. ముంబై సచివాలయంలో ఘోర అగ్నిప్రమాదం సంభవించినప్పుడు ఐదుగురు సచివాలయ సిబ్బంది ఇలాంటి సాహసానికే ఒడిగట్టారు. మంత్రాలయ భవంతి పైన ఎగురువేసిన త్రివర్ణ పతాకం మంటల్లో చిక్కుకునే ప్రమాదాన్ని పసిగట్టిన సిబ్బంది టెర్రస్ పైకి ఎగబాగారు. మంటలు సోకకుండా ఫ్లాగ్ పోల్ కు రక్షణగా నిలిచారు. తోటి సిబ్బంది హెచ్చరికలను కూడా లెక్క చేయకుండా పోల్ నుంచి త్రివర్ణ పతాకాన్ని చెక్కు చెదరకుండా కిందకు దింపారు. అనంతరం సురక్షితంగా మంటల్లోంచి బయటపడ్డారు. మంత్రాలయ హీరోలుగా అందరి అభినందలు అందుకున్నారు.

...avnk