Posted: 06/15/2012 03:52 PM IST

ఉప ఎన్నికల ఫలితాలలో కాంగ్రెస్ కి పరువు గంగలో కలిసిపోయిందనే చెప్పాలి. ఎంత చరిష్మా ఉన్న నేతలు ప్రచారం చేసినా, ఎంత మంది ఢిల్లీ పెద్దలు, ముఖ్యమంత్రి, పీసీసీ, చిరు లాంటి వాళ్ళు ప్రచారం చేసినా ఓటమిని మాత్రం చవి చూడక తప్పలేదు. అయితే ఈ ఓటమికి ఎవరు బాధ్యత వహించాలి. ముఖ్యమంత్రి కిరణ్ కుమార్ రెడ్డీనా, పీపీసీ బొత్స సత్యనారాయణా ? లేక చిరంజీవా ? లేక కాంగ్రెస్ అధిష్టానమా ? అంటే వీరెవరు కాదంటున్నారు మాజీ మంత్రి జేసీ దివాకర్ రెడ్డి.

కాంగ్రెస్ పార్టీ ఓడిపోవడానికి, పలు చోట్ల డిపాజిట్లు రాకపోవడానికి కారణం సీబీఐ వై.ఎస్.ఆర్.కాంగ్రెస్ అద్యక్షుడు జగన్మోహన్ రెడ్డిని ఉప ఎన్నికల మధ్యలో అరెస్టు చేయడం వల్ల సానుభూతి ఏర్పడి ఆయన పార్టీ గెలవడానికి ఆస్కారం ఏర్పడిందని జెసి అన్నారు. ఈ ఓటమికి కాంగ్రెస్ ఓటమికి సిబిఐ బాధ్యత వహించాలని అన్నారు. అనంతపురం జిల్లాలో కాంగ్రెస్ డిపాజిట్ కోల్పోవడం పై ఆయన ఆందోళన వ్యక్తం చేశారు గెలుపు,ఓటములు ఎలాగైనా ఉంటాయని కాని డిపాజిట్ కోల్పోవడం పార్టీ దుస్థితికి దర్పణంగా ఉంటుందని ఆయన అన్నారు. జిల్లా మంత్రులే దీనికి సమాధానం చెప్పాలని అన్నారు. సిబిఐ జగన్ ను అరెస్టు చేయడానికి ముఖ్యమంత్రి కిరణ్ కు సంబంధం లేదని ఆయన అన్నారు. జేసీ దివాకర్ రెడ్డి పరిస్థితి, ఆయన చెప్పే మాటలు చూస్తుంటే... ‘‘ఆడలేక మద్యలో ఓడు’’ సామెత లాగా ఉందని రాజకీయ నేతలు అంటున్నారు.