Posted: 06/14/2012 06:12 PM IST

చిరంజీవి తనయుడు రామ్‌చరణ్‌, ఉపాసన వివాహం కన్నులపండువగా జరిగిందని చిరంజీవి సోదరుడు నాగబాబు తెలిపారు. ఎటువంటి ఇబ్బందులు తలెత్తకుండా ఆద్యంతం ఆనందంగా ఈ వేడుక జరిగిందని ఆయన ఆనందం వ్యక్తం చేశారు. ఈ రోజు సాయంత్రం హైదరాబాద్‌లోని హైటెక్స్‌లో జరిగే మ్యారేజ్‌ రిసెప్షన్‌కు సంబంధించి ఆహుతులకు నాగబాబు కొన్ని సూచనలను చేశారు.  బార్‑కోడ్‑ను అనుసరించి రిసెప్షన్ కు ఇద్దరు వ్యక్తుల కన్నా అనుమతి లేదన్నారు. అలాగే బొకేలు, ఆయుధాలతో ఎవరూ రావద్దని నాగబాబు సూచించారు. వీఐపీల గన్‌మెన్‌లను సైతం లోనికి అనుమతించరని స్పష్టం చేశారు. భద్రతారీత్యా కట్టుదిట్టమైన ఏర్పాట్లు చేశామని నాగబాబు తెలిపారు.