Posted: 06/14/2012 01:37 PM IST

తెలంగాణ రాష్ట్రసమితి అధ్యక్షుడు కేసీఆర్ పాడిందే పాట – పాడుకుంటూ. ప్రజలకు చెప్పించే చెప్పుకుంటూ... గత కొన్ని సంవత్సారాల నుండి ఇదిగో తెలంగాణ, అదిగో తెలంగాణ అంటూ చెప్పుకుంటూ కాలం వెళ్ళదీస్తున్న ఈయన కరీంనగర్ జిల్లా జగిత్యాలలో జరిగిన ఓ కార్యక్రమంలో మాట్లాడుతూ... త్వరలో నాలుగన్నర కోట్ల ప్రజల ఆకాంక్ష నెరవేరే సమయం ఆసన్నమైందని, త్వరలో తెలంగాణ రాష్ట్రం ఏర్పడటం ఖాయం అని అన్నారు. కాంగ్రెస్ అధిష్టానం తెలంగాణ ప్రజల ఆకాంక్షను గుర్తించిందని, ప్రస్తుత రాజకీయ పరిస్థితులు చూస్తుంటే త్వరలో తెలంగాణ రాష్ట్రం ఏర్పాటవుతుందని అన్నారు.తెలంగాణ రాష్ట్రం ఏర్పడిన తరువాత జిగిత్యాలను ప్రత్యేక జిల్లా కేంద్రంగా మార్చుతానని, ఇప్పటికే మాజీ రిటైర్డ్ డీజీపీ పేర్వారం రాములు ఆధ్యర్యంలో జిల్లాల ఏర్పాటుకు ఓ ప్రణాళిక రూపొందిస్తున్నామని అన్నారు. మరి కేసీఆర్ ఇలాంటి మాటలు చెప్పి కాలం గడపడమేనా లేక తెలంగాణ తెచ్చేది ఏమైనా ఉందా ? అని ప్రజలు అడుగుతున్నారు.