Posted: 06/11/2012 12:18 PM IST

సిబిఐ వారు  జగన్ ను ఏ ప్రశ్న అడిగిన అన్నింటికి ఒకటే సమాధానం  చెప్పటంతో.. సిబిఐ ఆశ్చర్యపోతున్నారు.   జగన్ నవ్వుతూ.. అన్నీ  ఆ విజయ సాయిరెడ్డికే తెలుసు అంటూ  చిన్న చిరు నవ్వుతూ  సమాధానం చెబుతున్నారని  సిబిఐ అధికారులు అంటున్నారు.  జగన్ ను  నుండి సిబిఐ వారు ఒక్క ప్రశ్నకు సమాధానం కూడా రాబట్టలేకపోతున్నారు. అందుకు  సిబిఐ జగన్ కు నార్కో అనాలసిస్‌ పరీక్షలు నిర్వహించాలని సిబిఐ అధికారులు భావిస్తున్నట్లు తెలిసింది. నార్కో పరీక్ష నిర్వహిస్తే దాని పర్యవసానాలు ఎలా ఉంటాయోనని సిబిఐ పగ్గాలు తర్జనభర్జన పడుతున్నట్లు సమాచారం. ఇందుకోసం సోమవారం న్యాయస్థానంలో పిటిషన్‌ వేయనున్నట్లు తెలుస్తోంది. హైకోర్టు అనుమతించిన మేరకు రెండు రోజుల కస్టడీ ముగినప్పటికీ తన కంపెనీల్లోకి వచ్చిన విదేశీ పెట్టుబడులు, మనీ ల్యాండరింగ్‌ విషయాలను జగన్‌ వెల్లడించలేదని తెలిసింది. ఏ ప్రశ్న వేసినా అంతా విజయ సాయిరెడ్డికే తెలుసునని సమాధానాలు ఇచ్చినట్లు సిబిఐ సమాచారం.

దీంతో నార్కో అనాలిసిస్‌ పరీక్షలు నిర్వహించేందుకుగాను అనుమతి కోరుతూ న్యాయ స్థానంలో పిటిషన్‌ వేయాలని నిర్ణయించినట్లు తెలిసింది. చంచల్‌గూడ జైలు నుంచి కోఠిలోని సిబిఐ కార్యాలయానికి తరలించిన జగన్‌ను జాయింట్‌ డైరెక్టర్‌ లక్ష్మీ నారాయణ పదిన్నర నుంచి సాయంత్రం అయిదున్నర గంటల వరకు ప్రశ్నించినప్పటికీ ఎలాంటి సమాధానాలు రాబట్టలేకపోయారని తెలిసింది. ఏ ప్రశ్న వేసినా విజయసాయిరెడ్డికే తెలుసునని చెప్పినట్లు తెలిసింది. మారిషస్‌, లక్సెంబర్గ్‌ దేశాలతో పాటు మరో నాలుగు దేశాల నుండి జగన్‌ కంపెనీల్లోకి వచ్చిన పెట్టుబడులపై, కోల్‌కతా, ముంబాయి, చెన్నై, ఢిల్లీ తదితర రాష్ట్రాల నుంచి వచ్చిన పెట్టుబడులపై అడిగినట్లు సమాచారం. విదేశీ పెట్టుబడులపై సమాచారాన్ని తెలుసుకునేందుకు సిబిఐ అధికారులు లెటర్‌ ఆఫ్‌ రెగోరేటరీ పంపినట్లు తెలిసింది. ఏ-2 నిందితుడు విజయసాయిరెడ్డి విచారణకు సహకరించలేదంటూ నార్కో పరీక్ష చేయించేందుకు సిబిఐ అనుమతి కోరగా న్యాయమూర్తి తిరస్కరించారు. మరి ఇప్పుడు జగన్‌ విషయంలో ఎలా స్పందిస్తారో!