Posted: 06/08/2012 04:53 PM IST

ఉపగ్రహాల ఆధారంగా పని చేసే నావిగేషన్ వ్యవస్థ (శాట్ నావ్).. జీపీఎస్.. పేరేదైనా కానివ్వండి! కొత్తగా కారు కొనాలనుకునేవారు ఎవరైనా సరే, అలాంటి సౌలభ్యం ఉందోలేదో ముందే చూసుకుంటున్నారు! ఈ వ్యవస్థ వల్ల బోలెడు ఉపయోగాలైతే ఉం టాయిగానీ.. వీటిని ఉపయోగించే వాహనచోదకుల్లో నైపుణ్యం మాత్రం తగ్గుతుందట! బ్రిటన్‌కు చెందిన లాం కస్టర్ యూనివర్సిటీ, లండన్ యూనివర్సిటీ పరిశోధకు ల బృందం దీనిపై అధ్యయనం చేసింది.

పరిశోధనలో భాగంగా వారు ఒక కారు సిమ్యులేటర్ సాయంతో పలువురు వ్యక్తుల డ్రైవింగ్ నైపుణ్యాన్ని పరీక్షించారు. ఎంతసేపూ శాట్‌నావ్ అందించే వివరాలపైనే దృష్టిపెట్టిన సదరు డ్రైవర్లు.. ఎదురుగా పాదచారులు వస్తే ఏంచేయా లో వేగంగా నిర్ణయం తీసుకోవడంలో విఫలమయ్యా రు. అయితే, దారిని తెలుసుకోవడం కోసం మ్యాపుల్ని చూడటం కన్నా వినడం చాలా ఉత్తమమని యూనివర్సిటీ ఆఫ్ లండన్‌కు చెందిన మనస్తత్వ శాస్త్ర ప్రొఫెసర్ పాలీ డాల్టన్ పేర్కొన్నారు. ఎవరైనా సరే ఓవైపు విం టూనే, మరోవైపు ఏదైనా పని చేయగలరని.. అదే దేన్నై నా చూస్తూ, మరోపని చేయడం కష్టమని చెప్పారు.