Posted: 06/06/2012 05:53 PM IST

వైయస్సార్ కాంగ్రెస్ పార్టీ అధ్యక్షుడు, కడప ఎంపీ అయిన జగన్ మోహన్ రెడ్డి అక్రమాస్తుల కేసులో ఈ నెల 27వ తారీఖున అరెస్టు అయి చంచల్ గూడ జైల్లో ఊచలు లెక్కబెడుతున్న విషయం తెలిసిందే. తను అరెస్టు కాకముందు ముందస్తు బెయిల్ కోసం, అరెస్టు అయిన తరువాత బెయిల్ కోసం పిటీషన్ల మీద పిటీషన్లు వేసినా బెయిల్ రాకపోవడంతో, కనీసం మధ్యంతర బెయిల్ కోరుతూ పిటీషన్ వేసుకున్నాడు. కానీ అది కుదరక పోగా సీబీఐ కస్టడికీ కోర్టు అప్పగించింది.

రేపు సీబీఐ కస్టడీ ముగియనుండటం, బెయిల్ రాదని ముందే తెలుసుకున్న జగన్ కనీసం మీడియాతోనైనా మాట్లాడే అవకాశం ఇవ్వండి అని, రాజ్యాంగ అధికరణ 19(1) ప్రకారం భావ వ్యక్తీకరణ స్వేచ్ఛ కల్పించాలని విజ్ఞప్తి చేశారు  గతంలో ఎన్నడూ ఇలా ఒక విచారణలో ఖైదీ కోర్టును ఈ విషయంలో అభ్యర్దన చేసిన ధాఖలాలు లేవు. ఈ నేపధ్యంలో జగన్ కోర్టును కోరిన సందర్భం విశేషంగానే కనిపిస్తుంది. అయితే కోర్టు ఎంతవరకు మీడియాతో మాట్లాడే అవకాశం కల్పిస్తుందన్నది సందేహమే.