Posted: 06/05/2012 01:48 PM IST

ఉత్తర ప్రదేశ్ ముఖ్యమంత్రి అఖిలేష్ యాదవ్ భార్య డింపుల్ యాదవ్ కోరిక ఎట్టకేలకు నెరవేరుతుంది. ఈమె త్వరలో జరిగే ఉప ఎన్నికకలలో పోటీ చేయబోతుంది. తమ భర్త ముఖ్యమంత్రి కావడంతో ఖాళీ అయిన ఎంపీ స్థానంలో ఈమె పోటీ చేస్తుంది. 2009 ఎన్నికలలో ఫిరోజాబాద్‌లో పోటీ చేసి కాంగ్రెసు నాయకుడు రాజ్ బబ్బర్ చేతిలో ఓడిపోయారు. కానీ ఈసారి మాత్రం ఓడిపోయే పరిస్థితులు కనిపించడం లేదు. 

కన్నౌజు నుంచి అఖిలేష్ యాదవ్ మూడుసార్లు లోకసభకు ఎన్నికయ్యారు. పైగా మార్చిలో ఉత్తరప్రదేశ్ శాసనసభ ఎన్నికల్లో సమాజ్‌వాదీ పార్టీ ఘన విజయం సాధించింది. డింపుల్ కన్నౌజులో బహిరంగ సభలో మాట్లాడుతారని చెబుతున్నారు. సమాజ్‌వాదీ పార్టీ అధినేత ములాయం సింగ్ యాదవ్, అఖిలేష్ యాదవ్ ఈ బహిరంగ సభలో పాల్గొనే అవకాశాలున్నాయి. ఆమెపై తమ అభ్యర్థిని పోటీకి దింపబోమని కాంగ్రెసు పార్టీ ప్రకటించింది.