Posted: 06/03/2012 04:21 PM IST

      మన విషీ భారత కీర్తి పతాకాన్ని విశ్వవాప్తంగా రెపరెపలాడిస్తున్నాడు.   ప్రపంచ చెస్ ఛాంపియన్ షిప్ ను గెలుచుకున్న విశ్వనాథన్ ఆనంద్ కు అరుదైన గౌరవం లభించింది. రష్యా అధ్యక్షుడు వ్లాదిమిర్ పుతిన్.. విషీకి టీ పార్టీ ఇచ్చారు. మాస్కోలోని తన నివాసంలో చెస్ గ్రాండ్ మాస్టర్ కు తేనీటి విందు ఇచ్చారు. ప్రపంచ ఛాంపియన్ షిప్ గెలిచిన చెస్ కింగ్ కు పుతిన్ శుభాకాంక్షలు తెలిపారు. టీ పార్టీకి చెస్ ఛాంపియన్ షిప్ ఫైనల్లో ఆనంద్ చేతిలో ఓడిపోయిన గెల్ఫాండో కూడా హాజరయ్యారు.
     ఇదిలా ఉండగా, స్వీడల్ లో ఓ చిచ్చరపిడుగు అందరినీ ఆశ్చ్యర్య పరుస్తున్నాడు.  పట్టుమని పదేళ్లులేవు.. సమస్యలు పరిష్కరిస్తున్నాడు.  ఆ పిల్లాడికి పట్టుమని పదేళ్లు కూడా నిండలేదు. అయితేనేం రసాయన శాస్త్రానికి చెందిన ఓ సమస్యకు పరిష్కారం కనుగొన్నాడు. స్వీడన్ కు చెందిన లైనస్ జోయ్ తండ్రి ప్రొఫెసర్ గా పనిచేస్తున్నారు. కెమిస్ట్రీకి సంబంధించిన ఓ సమస్యను పరిష్కరించేందుకు ఎనిమిదేళ్లుగా ప్రయత్నిస్తున్నారు. అయితే పదేళ్ల జోయ్ ఆ ప్రాబ్లమ్ ను సాల్వ్ చేయడంలో తండ్రికి సహకరించాడు. దీంతో అతనికి రాయల్ సొసైటీ ప్రచురించిన జర్నల్ లో సహ రచయిత హోదా దక్కింది.

...avnk