Posted: 05/22/2012 04:29 PM IST

యూపీఏ ప్రభుత్వం రెండోసారి అధికారంలోకి వచ్చి మూడు సంవత్సరాలు దిగ్విజయంగా పూర్తి చేసుకున్న సందర్భంగా ఇవాళ ప్రధానమంత్రి మన్మోహన్ సింగ్ విందును ఏర్పాటు చేశారు. ఈ విందుకు పలు రాజకీయ ప్రముఖులు హాజరయ్యారు.  ఈ విందుకు తమిళనాడు మాజీ ముఖ్యమంత్రి కరుణానిధి మాత్రం హాజరు కాలేదు. ఈయన గైర్హాజరు పై అనేక అనుమానాలు వ్యక్తం అవుతున్నాయి. తన పార్టీకి సంబంధించిన పార్టీ నేతలను, తన కూతురిని అరెస్టు చేసి తనని అవమాన పరిచినందుకే కరుణానిధి గైర్హాజరు అయ్యారని అంటున్నారు.

అయితే విందుకు హాజరుకాకపోవడానికి ప్రత్యేకించి కారణాలేమి లేవని ఆయన మీడియాతో అన్నారు. యూపీఏ-2 ప్రభుత్వ పనితీరుపై స్పందించాలని మీడియా కోరగా, అందుకు కరుణానిధి నిరాకరించారు. ప్రతి ప్రభుత్వంలోనూ ఎత్తు పల్లాలుంటాయని కరుణా వ్యాఖ్యానించారు.  రాష్ట్రపతి పదవికి స్పీకర్ మీరా కుమార్ అభ్యర్థిత్వానికి మద్దతు ఇస్తారా అనే ప్రశ్నకు కరుణ సమాధానాన్ని దాటవేశారు.