Posted: 05/19/2012 03:59 PM IST

వైయస్ జగన్ అక్రమాస్తులకు సంబంధించిన కేసులో మరో ఇద్దరు మంత్రులను సీబీఐ నోటీసులు జారీచేసింది. ఇప్పటికే హోంమంత్రి సబితా ఇంద్రారెడ్డి, మంత్రి మోపిదేవి వెంకట రమణను విచారించిన సీబీఐ మంత్రి పొన్నాల లక్ష్మయ్య, మంత్రి గీతారెడ్డిలకు నోటీసులు జారీచేసింది. విచారణకు హాజరు కావాలని ఆదేశించింది.

వైయస్ హయాంలో మంత్రులుగా ఉండి, అతని చెప్పుచేతల్లో మెలిగిన మంత్రుల బండారం అంతా ఇప్పుడు బయట పడుతుంది. వైయస్ ముఖ్యమంత్రిగా ఉన్నప్పుడు నీటి పారుదల శాఖ మంత్రిగా పనిచేసిన పొన్నాల లక్ష్మయ్యను జలయజ్ణం పనుల అవకతవకలకు సంబంధించిన దాని పై, పరిశ్రమల శాఖ మంత్రిగా పనిచేసిన గీతారెడ్డిని బ్రాహ్మణి స్టీల్స్, పెన్నా సిమెంట్, దాల్మియా సిమెంట్ కి సంబంధించిన అవకతవకలపై విచారించనుంది.