Posted: 05/16/2012 01:28 PM IST

మాయావతి ప్రభుత్వం విగ్రహాలు, పార్క్‌ల పేరుతో రూ.40 వేల కోట్ల ఆర్థిక అవకతవకలకు పాల్పడ్డారని ఉత్తరప్రదేశ్ ముఖ్యమంత్రి అఖిలేశ్ యాదవ్ లక్నోలో ఆరోపించారు. లక్నో, నోయిడాల్లో ఈ ఏనుగు విగ్రహాలు, మెమోరియల్ పార్క్‌లను నెలకొల్పే బాధ్యతలను చూసే గోమతినగర్‌లోని రాజకీయ నిర్మాణ్ నిగమ్ (ఆర్‌ఎన్‌ఎన్) కార్యాలయాన్ని పోలీసులు తనిఖీ చేశారు. ఆర్థిక అవకతవకలపై వివరాలను సేకరించారు. ‘‘ఈ ఖర్చును చిన్నదిగా చేయొద్దు. ఈ గోల్‌మాల్ చాలా విస్తృతంగా ఉంది’’ అని సీఎం అఖిలేశ్ మీడియాతో అన్నారు. రూ.5 లక్షలు కూడా విలువ చేయని విగ్రహాన్ని రూ.40 లక్షలకు కొనుగోలు చేసినట్లు చెప్పారు.