Posted: 05/13/2012 05:37 PM IST

      ఎయిర్ ఇండియా పైలెట్ల సమ్మె ఐదోరోజుకు చేరింది. న్యాయమైన డిమాండ్లు పరిష్కరించేవరకు వెనక్కి తగ్గేది లేదని పైలెట్లు తేల్చి చెప్పడంతో ఎయిర్ ఇండియా ఇవాళ (ఆదివారం) 16అంతర్జాతీయ విమాన సర్వీసులను రద్దు చేసింది. 71మంది పైలెట్లను సస్పెండ్ చేసింది. మరోవైపు సమ్మెపై సుప్రీంకోర్టును ఆశ్రయించిన ఎయిర్ ఇండియా యాజమాన్యానికి చేదు అనుభవం ఎదురైంది. పైలెట్లపై వేసిన కోర్టు దిక్కరణ పిటిషన్ ను అత్యున్నత న్యాయస్థానం తిరస్కరించింది. చర్చల ద్వారా సమస్యను పరిష్కరించుకోవాలని ఎయిర్ ఇండియాకు సూచించింది. మరోవైపు సమ్మె చేస్తోన్న ఎయిర్ ఇండియా పైలెట్లు ప్రధాని మన్మోహన్ సింగ్ కు, ఎయిర్ ఇండియా ఛైర్మన్ కు లేఖ రాశారు. తమ డిమాండ్లను పరిశీలించాల్సిందిగా లేఖలో కోరారు. ప్రధాని జోక్యం చేసుకోవాలని ప్రత్యేకంగా అభ్యర్ధించారు. అటు గ్రౌండ్ స్టాఫ్ కూడా సమ్మె యోచనలో ఉన్నట్లు తెలుస్తోంది.

...avnk