Posted: 05/09/2012 01:35 PM IST

పట్టుకుంటే వదలని వ్యాధి మధుమేహం..! దాన్ని నియంత్రించుకోవాలంటే మన ఆహార అలవాట్లలో మార్పురావాల్సిందేనంటున్నారు లండన్‌లోని లిథూనియాన్ యూనివర్సిటీ శాస్త్రవేత్తలు. ఆహారాన్ని గాబరగాబరాగా భుజించే వారిలో ఎక్కువగా మధుమేహం లక్షణాలు కనిపించాయని, మెల్లగా భుజించేవారి దరికి ఆ వ్యాధి చేరిన ఆనవాళ్లు లేవని ఇటీవల నిర్వహించిన సర్వే వివరాలను వారు వెల్లడించారు. మధుమేహం ఉన్న వారు.. ఆహారాన్ని వీలైనంత మెల్లగా భుజిస్తే ఆ వ్యాధి తగ్గుముఖం పడుతుందని చెప్పారు. ఆహారాన్ని వేగంగా భుజించేవారిలో మధుమేహం-2 రకం ఎక్కువగా వ్యాపిస్తున్నట్లు తమ అధ్యయనంలో వెల్లడైందని వర్సిటీ శాస్త్రవేత్త డాక్టర్ లినా రాడ్‌జెవిసేనే వివరించారు.