Posted: 05/06/2012 04:54 PM IST

       ఈ ఒక్క రోజు... మీకు అత్యంత సమీపం లో, అతిపెద్ద సైజులో పండువెన్నెల కురిపిస్తూ చంద్రుడు కంటపడబోతున్నాడు. చంద్రుడు, భూమికి అతి సమీపంలో ఉండబోతున్నాడు. ఆదివారం ఈ అద్భుతం ఆవిష్కృతం కానుంది.ఈ ఏడాదిలోని రాత్రులన్నింటిలోకెల్లా విభిన్నరీతిలో చంద్రుడు భూమికి అతి సమీపంలో దర్శన మివ్వటం ఒక గొప్ప విశేషం. ఈ ఘటనను 'సూపర్‌మూన్‌'గా అభివర్ణిస్తారు.'బుద్ధ పూర్ణిమ' రోజే ఈ అద్భుత ఆవిష్కరణ ఘట్టం చోటుచేసుకోనుంది.
       మే 6 (ఆదివారం) రాత్రి 9-05 గంటలకు భూమి, చంద్రుడి మధ్య దూరం 3,56,955 కి.మీ.లు ఉండబోతోంది. ఈ ఏడాది ఇంత అతి సమీపంలోకి రానుండటం చర్చనీయాంశం అవుతోంది. 0.5515 డిగ్రీల పరి మాణంలో చంద్రుడు కనిపించనున్నాడని శాస్త్రవేత్తలు చెప్పారు. సూర్యోదయానికి కొద్ది నిమిషాల ముందు పశ్చిమదిక్కున ఈ సూపర్‌ మూన్‌ ఆవిష్కృతం కానుంది. సూర్యాస్తమయమైన గంట తర్వాత ఈ దృశ్యం మళ్ళీ పునరావృతం కానుందని ముంబయికి చెందిన నెహ్రూ ప్లానిటోరియం డైరెక్టర్‌ అరవింద్‌ పరాంజ్‌పే తెలిపారు.
       కాగా, ఈ ఏడాది నవంబర్‌ 28న చంద్రుడు, భూమికి చాలా దూరంలో కనిపించనున్నాడు. ఈ రెండింటి మధ్య 4,06,349 కి.మీ.ల దూరం చోటుచేసుకోనుంది. మే 6న కనిపించనున్న నిండు చంద్రుడు, నవంబర్‌ 28న దర్శనమివ్వనున్న నిండు చంద్రుడి కంటే 11శాతం పెద్దదిగా ఉండబోతున్నాడు. ఇంకెందు కాలస్యం కనులారా చంద్రుడిని చూసి తరించండిమరి..

...avnk