Posted: 05/03/2012 12:59 PM IST

      తెలుగుదేశం పార్టీ అధికారంలోకి రాగానే దేశంలోనే అత్యల్ప వర్షపాతం నమోదయ్యే అనంతపురం అభివృద్ధికి ప్రత్యేక ప్యాకేజీని ప్రకటిస్తామని ఆ పార్టీ అధినేత చంద్రబాబు నాయుడు అన్నారు. జిల్లా ఎడారిగా మారిపోకుండా తగు చర్యలు తీసుకుంటామని హామీ ఇచ్చారు. రాయదుర్గం నియోజకవర్గంలో ఆయన విస్తృత ప్రచారం నిర్వహించారు. అలాగే పార్టీ కార్యకర్తలతో సమావేశం నిర్వహించారు. ప్రతీ ఒక్కరూ సైనికుల్లా పనిచేసి పార్టీని గెలిపించాలని పిలుపునిచ్చారు. జిల్లాలోని మెజార్టీ ప్రజానికం వాల్మీకులను ఎస్టీల్లో చేర్పించే వరకూ తమ పార్టీ పోరాడుతుందని స్పష్టంచేశారు.
      అదే విధంగా చివరి ఆయకట్టు వరకు హెచ్ఎల్సీకి నీరు ఇచ్చిన ఘనత టిడిపిదేనని గుర్తు చేశారు. స్థానిక సమస్యలను ప్రస్తావించారు. అంతకు ముందు అనంపురం పట్టణంలోని ఆర్ కె కల్యాణమండపంలో కార్యకర్తలతో చంద్రబాబు సమావేశమయ్యారు. పార్టీ నేతలందరూ కలిసి పనిచేయాలని క్లాస్ తీసుకున్నారు. ప్రతీ కార్యకర్త సైనికుడిలా పనిచేయాలని పిలుపునిచ్చారు.

...avnk