Posted: 05/02/2012 01:11 PM IST

      మద్దెల చెరువు సూరి హత్యకేసులో భానుని విచారిస్తోన్న సీఐడీ పోలీసులకు కళ్లు చెదిరే నిజాలు తెలుస్తున్నాయి. చీకటి వ్యాపారంలో భాను కొచ్చిన సొమ్మును అమెరికాకు తరలించినట్లు సీఐడీ అధికారులు గుర్తించారు. ఇందు కోసం ఇద్దరు పోలీసు అధికారులను ఉపయోగించుకున్నారని తేల్చారు. సస్పెన్షన్ కు గురైన ఓ ఎన్డీ సర్వేశ్వర రెడ్డి, సీఐ ప్రవీణ్ కుమార్ లను 2011 సాంటా క్లార్లో జరిగిన తానా సభలకు పంపినట్లు సమాచారం. ఇందుకోసం మంగళి కృష్ణ సహకారం తీసుకున్నారన్న కీలక సమాచాన్ని సేకరించినట్లు తెలిసింది. భూ సెటిల్ మెంట్లు చేసే పనిలో పోలీసుల సహకారం కోసం భాను తరచూ సర్వేశ్వరరెడ్డి, ప్రవీణ్ కుమార్ లను సంప్రదిస్తుండేవాడు. అంతే కాదు వారికి అవసరం వచ్చినప్పుడు తన మనుషుల ద్వారా డబ్బునూ అందించేవాడు.
       అయితే భాను, మంగళి కృష్ణలు ఈ ఇద్దరు పోలీసు అధికారులను అమెరికాలో జరిగిన తానా సభలకు ఎందుకు పంపారనే విషయంపై పోలీసులు లోతైన దర్యాప్తు చేస్తున్నారు. ఈ గ్యాంగ్ తో కలిసి ఇంకా ఎలాంటి సెటిల్మెంట్లు చేశారనే కోణంలో సర్వేశ్వర్ రెడ్డి, ప్రవీణ్ కుమార్ ని పిటి వారెంట్ పై విచారించే అవకాశం ఉంది. ఈ దిశగా సీఐడీ పోలీసులు ఇప్పటికే సమాచారం సేకరించినట్లు తెలిసింది.

...avnk