Posted: 04/23/2012 01:09 PM IST

              వేసవి తాపంతో వేడెక్కిపోతోన్న రాష్ట్ర ప్రజలకు కొంత ఉపశమనం లభించింది. ఇవాళ ఉదయం నుంచీ రాష్ట్రంలోని అనేక ప్రాంతాల్లో చిరు జల్లులు కురిసాయి. దీంతో ఒక్కసారిగా వాతావరణం చల్లబడింది. మరో ప్రక్క తెలంగాణా నుంచి దక్షిణ తమిళనాడు వరకూ అల్పపీడనద్రోణి విస్తరించి ఉందని విశాఖపట్నం వాతావరణ కేంద్రం తెలిపింది. దీని ప్రభావం వల్ల రానున్న 48 గంటల్లో కోస్తాంధ్ర తోపాటు ఇతర ప్రాంతాల్లో కూడా పలుచోట్ల వర్షం లేదా ఉరుములతో కూడిన జల్లులు కురిసే అవకాశముందని పేర్కొంది. గత 24 గంటల్లో రెంటచింతలలో 43, తిరుపతిలో 42, హైదరాబాద్‌లో 40, గన్నవరంలో 39.8, నెల్లూరులో 39.2, విశాఖపట్నంలో 37 డిగ్రీల సెంటీగ్రేడ్‌ గరిష్ట ఉష్ణోగ్రతలు నమోదయ్యాయి. అయితే, ఇవాళ ఈ ఉష్టోగ్రతలు చాలా వరకూ తగ్గుదలను నమోదు చేశాయి.

...avnk