Posted: 04/14/2012 10:02 AM IST

కారు ప్రమాదానికి గురవడం లేదా మంటలు రేగడం వంటి ఘటనలు సంభవించినప్పుడు పిల్లలకు రక్షణ కల్పించే సరికొత్త పరిజ్ఞానమిది. కారు సీటుకు ఉండే ఎయిర్‌బ్యాగ్ ప్రమాదం జరిగినప్పుడు ఇదిగో ఇలా మూసుకుపోతుంది. దీన్ని మంటలు ఏమీ చేయలేవు. 20 నిమిషాల వరకూ అందులోని వారికి స్వచ్ఛమైన గాలిని కూడా అందిస్తుంది. ఎయిర్‌బ్యాగ్ మూసుకోగానే.. వెంటనే అత్యవసర సిబ్బందికి ఆటోమేటిక్‌గా ఫోన్ వెళ్లిపోతుంది కాబట్టి.. అంతలోపే వారు ఘటనా స్థలానికి చేరుకోవచ్చు. వాళ్లు వచ్చి.. సీటు కింద ఉన్న బటన్ నొక్కితే.. ఎయిర్ బ్యాగ్ తెరుచుకుంటుంది. ‘కార్కూన్’ అని వ్యవహరించే ఈ పరికరాన్ని బ్రిటన్‌కు చెందిన జూలియన్ ప్రెస్టన్ అనే ఇంజినీరు రూపొందించాడు. వచ్చే ఏడాది మార్కెట్లోకి వచ్చే ఈ కారు సీట్ ధర రూ.40 వేలు!