Posted: 04/09/2012 01:40 PM IST

మంత్రి ధర్మాన ప్రసాదరావు మెప్పు పొందడానికి ఉప ఎన్నికల్లో కాంగ్రెస్ ముందంజలో ఉంటుందని 'ఆంధ్రజ్యోతి' ఇచ్చిందన్నారు. శ్రీకాకుళం జిల్లా నరసన్నపేట ఉప ఎన్నికల్లో ఏబీఎన్ -ఆంధ్రజ్యోతి నిర్వహించిన సర్వే ఫలితాలపై వైఎస్సార్ సీపీ నేత ధర్మాన కృష్ణదాస్ తన అక్కసు వెళ్లగక్కారు. ఆ ఫలితాలే నిజమైతే ఆస్తులు వదులుకుంటానని సవాలు చేశారు. ఆయన నరసన్నపేటలో విలేకరులతో మాట్లాడారు. ఇక్కడ వైఎస్సార్‌సీపీ మూడోస్థానంలో ఉన్నట్లు ఇచ్చిన సర్వే అంతా బూటకమేనన్నారు. తమ కార్యకర్తల్లో నిరుత్సాహం కలిగించడానికి, మంత్రి అండతోనే ఏబీఎన్-ఆంధ్రజ్యోతి ఈ సర్వే ఫలితాలను ప్రకటించిదన్నారు. ఈ సర్వే ప్రకారమే ఉప ఎన్నికల్లో ఫలితాలు వస్తే తన పేరిట ఉన్న ఆస్తులను వదులుకుంటానని కృష్ణదాస్ సవాలు చేశారు. తాను చేపట్టిన అభివృద్ధి కార్యక్రమాలే తన విజయానికి బాటలు వేస్తాయన్నారు.