Posted: 04/02/2012 07:57 PM IST

కాలం మారుతుంది... టెక్నాలజీ చాలా అందుబాటులోకి వచ్చింది. మార్కెట్లోకి కూడా వింత వింత కార్లు వస్తున్నాయి. తాజా మనిషి స్వభావాన్ని తనకు తానే రంగులు మార్చుకునే కారు తయారు అయ్యింది. ఈ కారును ఫెంఛ్ సంస్థ ఫ్యూజో తయారు చేసింది.  ‘ప్యూజో ఆర్ సీజెడ్’ కారు.... యాజమాని ఉద్వేగాలను పసిగట్టి తదనుగుణంగా తన రంగును మార్చుకుంటుంది. కారులో ఉపయోగించే సాంకేతిక పరిజ్ణాణాన్ని సంస్థ లండన్ విభాగం ఇంజనీర్లు తయారు చేశారు.

యాజమాని, డ్రైవర్ సీట్లో కూర్చోగానే స్టీరింగ్ చక్రానికి అమర్చిన సెన్సర్లు అతని శరీర ఉష్ణోగ్రతను , నాడీ కొట్టుకునే వేగాన్ని గుర్తిస్తాయని ఇంజనీర్లు తెలిపారు. వీటి ఆధారంగా కారు బయటి రంగు మారుతుందని చెప్పారు.  ఇలాంటి కారును తయారు చేయడం దేశంలో మొదటిసారని తెలిపారు.

ఒక వేళ ఈ కారు మార్కెట్లోకి వస్తే .. ‘ఊసరవెల్లి’ సినిమా తీసిన జూనియర్ ఎన్టీఆర్, తెలంగాణ విషయంలో ప్రతీ సారి మాట మార్చి ‘ఊసరవెల్లి’గా పేరు తెచ్చుకున్న కేసీఆర్ లు ఇద్దరు ఈ కారును కొంటారని జనం అనుకుంటున్నారు.