Posted: 03/30/2012 11:36 AM IST

ప్రత్యేక తెలంగాణ ఏర్పాటయ్యేంత వరకు తెగించి కొట్లాడాలని తెలంగాణ జాగృతి అధ్యక్షురాలు కల్వకుంట్ల కవిత పిలుపు నిచ్చారు. తెలంగాణ న్యాయవాదుల జేఏసీ ఆధ్వర్యంలో కొల్లాపూర్ నియోజక వర్గం నుంచి ఉప ఎన్నికల్లో గెలుపొందిన జూపల్లి కృష్ణారావును బషీర్‌బాగ్ ప్రెస్ క్లబ్‌లో సన్మానించారు. ఈ సన్మాన కార్యక్రమానికి హాజరైన కవిత మాట్లాడుతూ తెలంగాణ రాష్ట్ర జాప్యం వల్ల విద్యార్థులు, యువకులు చేసుకుంటున్న ఆత్మహత్యలను నివారించడానికి స్వచ్ఛందసంస్థలు ,రాజకీయ పార్టీలతో కలసి రౌండ్ సమావేశాలు నిర్వహిస్తామని తెలిపారు. రాజీనామాలు చేసిన వారికే ప్రజలు మరోసారి పట్టం కట్టడం అభినందనీయమని, ఈ ఉప ఎన్నికలు సీమాంధ్రనాయకులకు చెంపపెట్టని అన్నారు.