Posted: 03/24/2012 02:29 PM IST

           తెలంగాణ ప్రాంత కాంగ్రెస్ సీనియర్ నేత పాల్వాయి గోవర్థన్ రెడ్డి ఇవాళ ఆసక్తి కర వ్యాఖ్యలు చేశారు.  శనివారం ఉదయం శ్రీవారి దర్శనానికై తిరుమలకు వచ్చిన ఆయన దర్శనానంతరం మీడియాతో ముచ్చటించారు. శాస్త్రాన్ని కూడా కొందరు తమ స్వార్థానికి వాడుకుంటున్నారని, పంచాంగాలు నమొద్దని పాల్వాయి గోవర్థన్‌రెడ్డి సూచించారు.
           అటు రాజకీయాలపైనా పాల్వాయి తన దైన శైలిలో మాటలొదిలారు. అప్పటి రాష్ట్ర వ్యవహారాల ఇన్‌చార్జి వల్లే రాష్ట్రంలో కాంగ్రెస్ ఈ దుస్థితికి చేరుకుందని రాజ్యసభ సభ్యుడైన గోవర్థన్‌రెడ్డి ఆరోపించారు. వైఎస్ అవినీతిపై అధిష్టానాన్ని తప్పుదోవ పట్టించారన్నారు.  ఇప్పుడు జగన్  అవినీతి గురించి మాట్లాడటం భలే  విడ్డూరంగా ఉందని విమర్శించారు. ఏదో ఓ చావు తప్పి కన్నులొట్టబోయినట్టు ఏదో ఓ చోట పోటీ చేసి గెలిచామనిపించుకున్న జగన్ మొత్తం రాష్ట్రాన్ని జయించినట్టు, సీఎం అవుతానంటూ ప్రగల్భాలు పలకటం మరింత విడ్డూరంగా, హాస్యాస్పదంగా ఉందన్నారు పాల్వాయి గోవర్థన్ రెడ్డి.

....avnk