Posted: 03/21/2012 08:52 PM IST

కాంగ్రెస్ నాయకుడు, మంత్రి డీఎల్ రవీంద్రా రెడ్డి ఉప ఎన్నికలపై సంచలన వ్యాఖ్యలు చేశారు. ఉప ఎన్నికల ఫలితాల అనంతరం ఆయన మాట్లాడుతూ... ఈ ఉప ఎన్నికల్లో ఓటమికి సీఎం కిరణ్‌, బొత్స బాధ్యత వహించాలన్నారు. ఓటమికి బాధ్యత వహిస్తూ రాజీనామా చేయాలా...వద్దా అనేది వారి విజ్ఞతకే వదిలేస్తున్నాని ఆయన పేర్కొన్నారు. తెలంగాణ అంశాన్ని అధిష్ఠానం ఆలోచించాలని ఆయన సూచించారు. ఉప ఎన్నికల ఫలితాలు ప్రభుత్వానికి ఓ గుణపాఠమని చెప్పారు. కాంగ్రెస్‌ నేతలు ఆత్మవిమర్శ చేసుకుని, కార్యకర్తల్లో ఆత్మవిశ్వాసం కలిపించాలని డీఎల్‌ పేర్కొన్నారు. సీఎం సహా కేబినేట్‌ మొత్తం రాజీనామా చేయాలని ఆయన చెప్పారు. ఈ రాజీనామాలను హైకమాండ్‌కు పంపించాలని అన్నారు.