Posted: 03/20/2012 02:55 PM IST

నిద్రమాత్రలు వాడటం మొదలెట్టకండి  అంటూ  మాజీ ఆర్థిక మంత్రి  జశ్వంత్ సింగ్  ప్రస్తుత  ఆర్థిక మంత్రి  ప్రణబ్ ముఖర్జీకి  హితువు పలికారు. సబ్సిడీల భారం, విత్తలోటును తల్చుకుంటుంటే నిద్ర పట్టట్లేదంటూ వాపోయిన కేంద్ర ఆర్థిక మంత్రి ప్రణబ్‌కు ఊహించని వ్యక్తి నుంచి ఉచిత సలహా వచ్చింది! ఆ వ్యక్తి ఎవరో కాదు.. మాజీ ఆర్థిక మంత్రి, బీజేపీ నేత జస్వంత్ సింగ్. "పొరపాటున కూడా నిద్ర మాత్రలు వేసుకోవద్దు'' అని ఆయన ప్రణబ్‌దాకు సూచించారు. "విత్తలోటు కారణంగా మీకు నిద్ర పట్టట్లేదు అన్నారని నేను వార్తాపత్రికల్లో చదివాను. అయితే, పొరపాటున కూడా మీరు నిద్రమాత్రలు వాడొద్దు. విత్తలోటు నియంత్రణకు మేం సూచించే మార్గాలను మీరు పట్టించుకోవట్లేదు. ప్రయత్నించి చూడండి'' అని వ్యాఖ్యానించారు. ద్రవ్య  లోటు చోటు చేసుకుంది.  మీరు మా మాట వినరు.  మా పరిష్కారాన్ని  ప్రయత్నించండి.  ఈ విషయంలో  మా స్నేహితుడు శత్రుఘ్నసిన్హా సలహా తీసుకోండి అని జశ్వంత్  అన్నారు.