Posted: 03/15/2012 03:54 PM IST

పట్టుదల ఉంటే ఏదైనా సాధించవచ్చని నిరూపించింది ఓ చదువుల తల్లి. తన చదువుకు పెళ్ళి అడ్డు కాదని నిరూపించింది. విశాఖ జిల్లా దేవరాపల్లి మండలం మారేపల్లి గ్రామానికి చెందిన దేముళ్ళమ్మ అనే విద్యార్థిని పెళ్ళయిన గంటకే పరీక్ష హాల్లో ప్రత్యక్షమయ్యింది.

దేవుళ్ళమ్మ దేవరాపల్లి స్థానిక ప్రభుత్వ జూనియర్ కాలేజీలో ఇంటర్ రెండో సంవత్సరం చదువుతుంది. ఆమెకు బుధవారం 6.38 నిమిషాలకు పెళ్ళి ముహూర్తం. అదే రోజు ఉదయం 8 గంటలకు పరీక్ష. ఉదయం ఏడు గంటల వరకు పెళ్ళి పీటల పై కూర్చొని మూడు ముళ్ళు వేయించుకొని, ఎనిమిది గంటలకు పరీక్ష కేంద్రానికి చేరుకొని పరీక్ష రాసింది. తన ఆశయానికి తల్లిదండ్రులు, అత్త, మామ, భర్త రామారావు సహకరించారని తెలిపింది. ఈమె చేసిన పనికి అందరు ఆమెను మెచ్చుకున్నారు.