Posted: 03/12/2012 12:49 PM IST

      ఉపఎన్నికల్లో ఎలాగైనా పరువుదక్కించుకోవాలని అధికార కాంగ్రెస్ పార్టీతో పాటు అన్ని రాజకీయపార్టీలూ సాయశక్తులా ప్రయత్నిస్తున్నాయి. అందుకోసం జోరుగా ప్రచారం నిర్వహిస్తున్నాయి. ఈ క్రమంలో వివిధ పార్టీల నేతలకు పరాభవాలు తప్పటం లేదు. ఈ చేదు అనుభవం తాజాగా సినీ నటులు, రాజకీయనేతలైన రోజా, బాబూమోహన్ కు ఎదురైంది.
           నెల్లూరు జిల్లా కోవూరు ఉప ఎన్నికల్లో భాగంగా కోవూరులో ప్రచారం ముమ్మరంగా సాగుతోంది. వైఎస్‌ఆర్‌ కాంగ్రెస్‌ పార్టీ తరఫున సినీనటి రోజా ప్రచారం నిర్వహిస్తూ మహిళా సంక్షేమానికి వైఎస్‌ రాజశేఖర్‌రెడ్డి పాటుపడితే కిరణ్‌కుమార్‌ మహిళపై అధిక భారాలు మోపుతున్నారని ఆమె విమర్శించారు. డ్యాన్సు పోగ్రాం ఏర్పాటు చేసి కార్యకర్తలను కూర్చోబెట్టే పరిస్థితి కాంగ్రెస్‌కు వచ్చిందని ఆమె ధ్వజమెత్తారు.
          ఇదిలా ఉండగా చిరంజీవి పై రోజా విమర్శలు చేస్తున్న తరుణంలో అక్కడి జనంలో తీవ్ర అలజడి రేగింది. రోజా పై ప్రజానీకం పరుష పదజాలంతో రంకెలు వేశారు. రోజా డౌన్ డౌన్, గోబ్యాక్ అంటూ నినాదాలు చేయటంతో రోజా తన ప్రసంగాన్ని వేరే అంశాలకు మరల్చారు.
ఇక ఉప ఎన్నికలో భాగంగా టిడిపి తరఫున ప్రచారం నిర్వహిస్తున్న మాజీమంత్రి, టిడిపి నేత బాబూమోహన్‌ వాహనంపై తెలంగాణ వాదులు కోడిగుడ్లతో దాడిచేశారు. నాగర్‌కర్నూలు అభ్యర్థి మర్రి జనార్ధన్‌రెడ్డికి మద్దతుగా ప్రచారం నిర్వహించేందుకు బాబూమోహన్‌ నాగర్‌కర్నూల్‌లో ఎన్నికల ప్రచారంలో పాల్గొన్నారు.
       బస్టాండ్‌ వద్ద రోడ్‌షో నిర్వహిస్తుండగా వాహనంపై తెలంగాణ వాదులు కోడిగుడ్లు విసిరారు. టిడిపికి వ్యతిరేకంగా నినాదాలు చేశారు. ఈ క్రమంలో టిడిపి కార్యకర్తలకు, తెలంగాణ వాదుల మధ్య తోపులాట జరిగింది. పరిస్థితి ఉద్రిక్తంగా మారడంతో పోలీసులు లాఠీచార్జి చేసి కార్యకర్తలను చెదరగొట్టారు

...avnk