Posted: 03/02/2012 10:17 AM IST

అవినీతి కేసుల పరిష్కారానికి రాజస్థాన్‌ ప్రభుత్వం వేగంగా ముందుకు కదులుతోంది. అధికారాన్ని అడ్డం పెట్టుకుని అడ్డదిడ్డంగా సంపాదించే పౌరసేవాధికారుల (సివిల్‌ సర్వీసులు)కేసులు సత్వరం పరిష్కరించడానికి అవసరమైన ప్రత్యేక కోర్టుల బిల్లుకు మంత్రివర్గం ఆమోదం తెలిపింది. దీన్ని రాజస్థాన్‌ స్పెషల్‌ కోర్టు బిల్లు 2012 అంటారు. ఇది అక్కడి శాసనసభలో ఆమోదం పొందితే, సివిల్‌ సర్వీసులోని అధికారుల అన్యాయ, అక్రమ ఆస్తులను జప్తు చేయడం సాధ్యం అవుతుంది. ఆదాయానికి మించి ఉన్న ఆస్తులను స్వాధీనం చేసుకోవడానికి సత్వర న్యాయస్థానాలు ఏర్పాటు అవుతాయి. ఏడాదిలోపలే ఈ కేసులపై తీర్పు వచ్చేస్తుంది.