Posted: 03/01/2012 03:09 PM IST

ఢిల్లీ కేంద్రంగా ఎన్నో సంవత్సరాలుగా రియల్ ఎస్టేట్ వ్యాపారం చేస్తున్న డిఎల్ఎఫ్ కి ఆంధ్రప్రదేశ్ కి చెందిన జిఎస్ జి గ్రూప్ 280 కోట్ల రూపాయలకు టోకరా వేసింది. డిఎల్ఎఫ్ మేలుకునేసరికి జిఎసిజి సంస్థకి చెందినవారంతా అఙాతంలోకి వెళ్ళిపోయారు.

హైదరాబాద్ సెంట్రల్ తో సహా మల్టిప్లెక్స్ లు నిర్మించిన జిఎస్ జి గ్రూప్ తన దగ్గర లేని స్థలాలను అమ్మేసిన స్థలాలను, లీజులు లేకపోయినా దొంగ డాక్యుమెంట్లతో ఉన్నట్టుగా చూపిస్తూ ఆ స్థలాల్లో మల్టిప్లెక్స్ నిర్మాణాలు చేపట్టటానికి డిఎల్ఎఫ్ తో ఒప్పందం చేసుకుని, డిఎల్ఎఫ్ దగ్గరనుంచి విడతల్లో మొత్తం 280 కోట్ల రూపాయలు తీసుకుంది. నిర్మాణం విషయం వచ్చేసరికి ఇదిగో అదిగో అంటూ సాకులు చెప్తూ వస్తోంది. చివరకు విసుగుచెందిన డిఎల్ఎఫ్ తమ డబ్బు వాపసు ఇచ్చేయమని చెప్పగా దానికీ ఒప్పుకుని ఆ తర్వాత అందులో కూడా జాప్యం చేస్తూ వచ్చేసరికి డిఎల్ఎఫ్ హైద్రాబాద్ సెంట్రల్ క్రైమ్ పోలీస్ కి ఫిర్యాదు చెయ్యగా మొత్తం విషయమంతా బయటకు వచ్చింది.

ఫిబ్రవరి 4 న కేసు నమోదవటంతో తనకి తన కుటుంబీకులకు ముందస్తు బెయిల్ కోసం దరఖాస్తు చేసుకోగా దానిమీద విచారణకు కోర్టు మార్చి 3 కి వాయిదా వేసింది. హైదరాబాద్ సెంట్రల్ యజమాని గౌరీశంకర్ గుప్తాతో పాటు ఇతర ఎనిమిది మంది మీద కేసు నమోదయింది. ప్రస్తుతం అందరూ పరారీలో ఉన్నారు. గౌరీ శంకర్ గుప్తా దేశం వదిలిపోకుండా లుకౌట్ నోటీసులిచ్చామని డిసిపి జె సత్యనారాయణ తెలియజేసారు.

-శ్రీజ