Posted: 02/24/2012 05:16 PM IST

గుండెపోటును నిర్ధారించేందుకు గడచిన 60 ఏళ్లుగా సంప్రదాయ సాంకేతిక పరిజ్ఞానం ఎలక్షిక్టానిక్ కార్డియోక్షిగాఫ్ (ఈసీజీ)ని వినియోగిస్తున్న విషయం తెలిసిందే. అయితే ఈ విధానంలో కొన్ని పరిమితులు, లోపాలు ఉన్నాయి. రక్తపరీక్ష ఫలితాలొచ్చేందుకు 12 గంటలు పడుతున్నది. ఈ లోపు జరగాల్సిన నష్టం జరిగిపోతోంది. కానీ ఇకపై ఈ ఇబ్బంది ఉండకపోవచ్చు. గుండెపోటును నిమిషాల్లో నిర్ధారించేందుకు కొత్త హృద్రోగ పరికరాన్ని అభివృద్ధిపరిచారు. రోగులు గుండెపోటుతో బాధపడుతున్నారా? లేక వారికి వేరే ఆరోగ్య సమస్య ఉందా? అనే విషయాలతోపాటు ఆ సమస్య గుండెలో కచ్చితంగా ఏ ప్రాంతంలో తలెత్తింది అనే వివరాలను ఇది నిమిషాల్లో తెలియజేస్తుందని శాస్త్రవేత్తలు పేర్కొన్నారు. ‘హార్ట్‌స్కేప్’గా వ్యవహరించే ఈ పరికరంలో మొత్తం 10 సెన్సార్లు ఉంటాయని, వీటిని రోగి ఛాతీకి, దాని వెనక బాగానికి అమర్చి గుండెపోటును నిమిషాల్లో కనుక్కోవచ్చని వివరించారు.