Posted: 02/20/2012 07:26 PM IST

సీపీఎం మాజీ పార్లమెంట్‌ సభ్యులు మధుపై పాతబస్తీలో దాడి జరిగింది. స్థానికంగా ఓ కార్యకర్త కుటుంబాన్ని పరామర్శించేందుకు వెళ్లిన మధుపై స్థానిక ఎంఐఎం కార్పొరేటర్‌ దాడికి పాల్పడ్డారు. ఈ ఘటనలో మధుకు స్వల్పంగా గాయాలయ్యాయి. దాడి ఘటన నుంచి వెంటనే తేరుకున్న రక్షక్‌ పోలీసులు ఎంఐఎం కార్యకర్తలను చెదరగొట్టి మధును ఉస్మానియా ఆస్పత్రికి తరలించారు. మధు పరామర్శించిన కుటుంబం స్థానికంగా ఎంఐఎంలకు ప్రత్యర్థులు కావటంతోనే ఈ దాడికి పాల్పడ్డారని మాజీ ఎంపీ మధు ఆరోపించారు.