Posted: 02/13/2012 11:47 AM IST

దేశ రాజధానిలో ప్రేమపక్షులు ఈ ‘వేలంటైన్స్ డే’ నాడు స్వేచ్ఛగా విహరించొచ్చు. ఏ మత ఛాందసవాద శక్తులూ, ‘విలువల పరిరక్షణ’ ముఠాల బెదిరింపులు, దాడుల భయం లేకుండా హాయిగా తమ ప్రియవ్యక్తులతో ఈ సంబరాన్ని సంతోషంగా జరుపుకోవచ్చు. ప్రేమికుల రోజు సందర్భంగా పార్కులు, కాలేజీలు, హోటళ్లలో చెట్టాపట్టాలేసుకొని తిరిగే లవర్స్‌పై గతంలోగా ఈసారి దాడులకు దిగబోమని బజరంగ్ దళ్, విశ్వహిందూ పరిషత్, శివసేన వంటి హిందూ సంస్థలు ప్రకటించాయి. యువత ఇలాంటి పాశ్చాత్య ‘అనైతిక చర్యల’కు పాల్పడటం తమకు ఇష్టంలేకపోయినా గతంలోగా తీవ్ర చర్యలకు పాల్పడబోమని తెలిపాయి. మరోవైపు హస్తిన పోలీసులు కూడా ప్రేమికులకు అభయం ఇస్తున్నారు. చట్టాన్ని చేతుల్లోకి తీసుకునే ఎవరినైనా కఠినంగా శిక్షిస్తామని లవర్స్‌కు భరోసా ఇస్తున్నారు.