Posted: 01/31/2012 01:06 PM IST

దుస్తులనన్నిటినీ ధరిస్తారు కానీ మనదేశంలో పంచెలు, చీరలను కట్టుకుంటారు. వాటిలో పంచెలు పాతకాలం వారికి, గ్రామాలకే పరిమితమైపోయాయి కానీ చీర సంస్కృతి మాత్రం దేశవిదేశాల్లోకీ పాకింది. మన సిల్క్ చీరల మీద ఉత్తర భారతదేశమంతా మోజు చూపించబట్టి వాటి ఉత్పాదనా పెరిగిపోయింది. గంజిపెట్టి కట్టుకునే కాటన్ చీరలకూ క్రేజ్ పెరిగింది. అన్నిటికన్నా మించి, నడుం మీద ముడతలు చూపిస్తూ ఆకట్టుకునే చీర, కిందికిందికి జారిదిగుతూ బొడ్డుని దాచటంలో అశక్తతని ప్రకటించేసింది. అంతా బాగానే ఉంది కానీ చీర కట్టుకునేటప్పుడు జాగ్రత్త కేన్సర్ వచ్చేను గనక అంటూ వైద్యులు మహిళలను హెచ్చరిస్తున్నారు.  

షేప్ కోసం బిగించి కడితే ముప్పు తప్పదని, కేన్సర్ వచ్చే ప్రమాదం ఉందని రూఢయిందని ముంబై గ్రాంట్ మెడికల్ కాలేజ్ లో వైద్య నిపుణులు తస్మాత్ జాగ్రత అంటున్నారు. చీర కాన్సర్ల బారిన పడ్డ ముగ్గురు మహిళలకు శస్త్ర చికిత్స చేసానని, వారంతా 40 ఏళ్ళ వయసు పైబడ్డవారేనని శస్త్ర చికిత్స విభాగంలో అసోసియేట్ ప్రొఫసర్ గా పనిచేస్తున్న డాక్టర్ బక్షి చెప్పారు. లోపలి లంగాలకు వాడే నాడాలు కూడా సన్నగా ఉంటే వాటిని గట్టిగా బిగించినప్పుడు ముందు చర్మం ఒరిపిడికి గురౌతుంది, దరిమిలా కాన్సర్ కి దారితీసే అవకాశముంటుందని, అందువలన కాస్త వదులుగా కట్టుకుంటే కొన్నాళ్ళు బ్రతికి బట్ట (చీర) కడతారని డాక్టర్లు అంటున్నారు.

-శ్రీజ